Титан Усје ја потврдува својата водечка улога во областа на дигиталната трансформација и иновации. На AI Summit 2025, нашата компанија имаше можност да ги претстави своите најсовремени дигитални стратегии и решенија базирани на вештачка интелигенција, демонстрирајќи како технологијата придонесува за ефикасност, одржливост и раст во современата индустрија.
Симпозиумот, признат како еден од највлијателните AI настани на глобално ниво, собра индустриски лидери, иноватори и креатори на одлуки кои го обликуваат идниот бизнис со вештачка интелигенција и новите технологии. За Титан Усје, учеството на еден ваков престижен настан ја зајакна нашата посветеност кон користење на технологијата за оптимизација на операциите и постигнување оперативна извонредност.
Еден од најзначајните моменти од нашето учество беше презентацијата на нашиот автономен систем за оптимизација на производството во реално време. Развиен интерно, ова иновативно решение ја подобрува контролата на производството, го максимизира протокот на производи, ја намалува потрошувачката на енергија и придонесува кон поголема декарбонизација во нашето работење.
Дејан Величковски, Менаџер за дигитализација, ИТ инфраструктура и безбедност, и Александар Мојсовски, Менаџер за одржување, споделија сознанија и искуства од имплементацијата на оваа напредна технологија во нашите капацитети. Нивната презентација го истакна опипливиот бенефит, вклучувајќи подобрен квалитет на производите, зголемена ефикасност и мерливи резултати за одржливост.
Преку иницијативи како оваа, Титан Усје продолжува да покажува дека прифаќањето на дигитализацијата и AI не само што ја подобрува бизнис-перформансата, туку и ја поддржува еколошката одговорност и долгорочните иновации.
