Оваа година, ТИТАН УСЈЕ ја имаше честа да биде домаќин на спортските игри Цементаријада, кои се одржаа од 30 мај до 2 јуни во прекрасната Струга. Настанот собра повеќе од 150 учесници од регионалните цементарници, продолжувајќи ја долгогодишната традиција на единство, тимска работа и здрав натпреварувачки дух во цементната индустрија.
Покрај домаќинот TИТАН УСЈЕ, учество зедоа и тимови од Цементара Моравацем (Србија) и ТИТАН Србија (Србија). Во текот на викендот, вработените се натпреваруваа во повеќе спортски дисциплини, меѓу кои фудбал, одбојка, кошарка, пинг-понг, пикадо, стрелаштво и шах.
Тимовите на УСЈЕ со гордост ги освоија следниве резултати:
1-во место во пикадо, шах и кошарка (екипно)- 1-во место во пикадо (жени, индивидуално) и шах (мажи, индивидуално)
2-ро место во одбојка (мажи/жени, екипно), стрелаштво (мажи, екипно), пикадо (мажи, екипно), фудбал (мажи, екипно) и пинг-понг (мажи, екипно)
Освен освоените пехари, вистинскиот успех на Цементаријада се гледа во зајакнатите врски меѓу колегите, духот на фер-плеј и заедничките спомени што ги одразуваат вредностите според кои живееме.
Во ТИТАН УСЈЕ, остануваме длабоко посветени на поттикнување на спортскиот дух, добросостојбата на вработените и културата на тимска работа.
